Куокуну библиотекатын историята.
Куокунуга аан бастаан ааҕар балаҕан 1935 с. Кулун тутар 4 кунугэр аһыллыбыта. Бастакы сэбиэдиссэйинэн Спиридонова Анна Дормидонтовна улэлээбитэ. Кини итини таһынан страховой агеннаабыта, кулууп үлэтин эмиэ толороро.
1935-1936 сс. Спиридонова Анна Дормидонтовна
1936-1938 сс. Яковлев Петр Константинович
1938-1940 сс. Омукова Мария Иевлевна
1940-1942 сс. Петров Степан Константинович
1945 с. Петров Егор Спиридонович
1946 с. Петров Лука Васильевич
1946-1947 сс. Степанов Михаил Васильевич
1950-1951 сс. Иванов Николай Данилович
1951 с. Генеров Александр Федорович
1954 с. Константинова Марфа Игнатьевна
1952-1954 сс. Генерова Розалия Дмитриевна
1953-1954 сс. Спиридонова Мария Гаврильевна
1954-1956 сс. Дорофеева Варвара Гаврильевна
1956-1957 сс. Иванова Любовь Никифоровна
1957 с. Уарова Мария Степановна
1960-1961 сс. Петрова Мотрена Егоровна
1961-1971 сс. Еремеева Марфа Никифоровна
1971-1972 сс. Омукова Наталья Михайловна
1972-1973 сс. Васильева Розалия Ивановна
1973-2008 сс. Данилова Екатерина Павловна
2008-2011 сс. Григорьева Розалия Егоровна
2011-2013 сс. Степанова Людмила Николаевна
2013-2017 сс. Федорова Тамара Степановна
2017 с Генерова Жанна Маратовна
Араас сылларга барыта 22 библиотекарь үлэлээн ааспыта.
Куокунуга сельскэй библиотека 1953 с. От ыйын 13 күнүнээҕи Сунтаар райсоветын исполкомун уурааҕынан тэриллибитэ. Онно бастакы библиотекарынан Генерова Розалия Ивановна ананан үлэлээбитэ. Сүүсчэкэ кинигэни ааҕар балаҕантан ылбыта. Ааҕааччы ахсаана аҕыйах этэ.
Библиотека үлэтигэр ордук чаҕылхай өйдөбүлү Иванова Любовь Никифоровна хаалларбыта. Кини бастакы инвентарнай кинигэни толорон, ис үлэтин бэрээдэктээн, общественнай үлэҕэ көхтөөхтүк кыттан, культуурнай отуулары тэрийэн, дьон сыанабылын ылбыта. Кини, аҥаардас кинигэни уларсааччы эрэ буолбакка, нэһилиэк общественнай олоҕор төбөтүн оройунан түспүтэ. Кэлээтин кытта Куокунуттан 10 км ыраах өрүс уҥуор “Быйагыга” ыччат ферматыгар политтэрийээччинэн анаабыттара. Онно ыраах, өрүһү хайдах туоруубун диэн саараабакка, фермаҕа уонна отчуттарга көһө сылдьар библиотеканы тэрийбитэ. Кинигэлэри, сурунааллары, хаһыаттары кэмигэр уларытан иһэрэ. Учаастак, оройуон иһинэн туох саҥа олохтоммутун сонуну-нуомаһы тутатына тиэрдэн иһэр буолан, ыччат ытыктабылын түргэнник ылбыта, ханна баҕарар күүтүүлээх ыалдьыт этэ. Комсомольскай тэрилтэ секретара, икки төгүл олохтоох совет депутата, оройуон Советын депутата – Любовь Никифоровна общественнай үлэтин көрдөрөр кирбиилэр. Кэнники сылларга пенсияҕа тахсыар диэри А.С. Пушкин аатынан республиканскай библиотекаҕа сэдэх кинигэлэр салааларын сэбиэдиссэйинэн ананан үлэлээбитэ.
Библиотека аһыллыаҕыттан уонча библиотекарь үлэлээбититтэн 10 сыл тохтоло суох Дьокуускайга библиотечнай үөрэҕи бүтэрбит Еремеева Марфа Никифоровна үлэлээбитэ. Кини бастакы библиографическай үлэлэри – систематическай, алфавитнай каталогтары олохтооһуну саҕалаабыта. Библиотека ис тэрилин санардыбыта.
1973 сылтан 2008 сылга дылы Библиотекаҕа Улан-Удэтааҕы культура институтун бүтэрбит Данилова Екатерина Павловна улэлээбитэ. Библиотека фондата 9064, ааҕааччыта 445 киһиэхэ тэҥнэһэр. 1977 с. Оройуоннааҕы кииннэммит ситим филиалын быһыытынан үлэлиир. Екатерина Павловна библиотека фондата туруктаах буоларыгар, көрдөрөр агитацияҕа, справочнай-библиографическай улэҕэ болҕлмтотун уурар уонна нэһилиэк историятыгар элбэх матырыйаал хомуйар.