Бүгүн, сэтинньи 25 күнүгэр, Куокуну нэһилиэгин олохтоохторо сахалыы таба суруйуу үөрүйэҕин сайыннарар, олоҥхо баай тылын-өһүн, билиини-көрүүнү кэҥэтэр, төрөөбүт тылынан таба суруйар таһымы үрдэтэр сыаллаах, Олоҥхо декадатын чэрчитинэн биллэриллибит, Өрөспүүбүлүкэтээҕи «ОЛОҤХО ДЬЫКТААНА — 2025» аахсыйаҕа кыттыыны ыллылар. Быйылгы дьыктаан кыттыылаахтара И.И. Бурнашев-Тоҥ Суорун «Сылгы уола Дыырай бухатыыр» олоҥхотуттан быһа тардыыны суруйдулар. Дьыктааны барыта тоҕус киһи суруйда. Дьыктаан түмүгүнэн биир да алҕаһа суох «Бастыҥтан бастыҥ суруксут» Генерова Елена Николаевна, «Бастыҥ суруксут» Генерова Ангелина Степановна, Тихонова Виктория Львовна, «Үчүгэй суруксут» Сидорова Римма Егоровна ааттаннылар. Кыттааччыларга барыларыгар туоһу сурук туттарылынна.
