Сэтинньи 11 күнүгэр Саха Өрөспүүбүлүкэтин үрдүнэн Саха төрүт оонньууларын – Хабылык уонна Хаамыска күнэ бэлиэтэнэр. Бу күн “Кустук” культурнай-спортивнай комплексын саалыгар хабылыкка, хаамыскаҕа үөрэтии уонна күрэхтэһии буолла.
Тэрээһиҥҥэ араас саастаах уонна социальнай бөлөхтөр кыттыыны ыллылар: оскуолаҕа киириэн иннинээҕи саастаах оҕолор, оскуола оҕолоро, тэрилтэ үлэһиттэрэ, пенсионердар уонна доруобуйалара хааччахтаах дьон. Бу күрэхтэһии Саха төрүт оонньууларын үйэтитиигэ уонна киэҥ араҥаҕа тарҕатыыга улахан суолталаах диэн бэлиэтэннэ.
Хабылык уонна хаамыска оонньуулар анал үөрүйэхтэри, сымса буолууну, толкуйдуур дьоҕуру сайыннараллар. Маннык тэрээһиннэр нэһилиэк олохтоохторун сомоҕолууллар, биир сыалга-сорукка түмэллэр. Кыттыыны ылбыт дьон бары чэгиэн-чэбдик буоларга, спортка уонна төрүт култуураҕа тапталы иҥэринэргэ ыҥырыыны иһиттилэр.
