Сэтинньи 4 күнүгэр, Сомоҕолоһуу күнүгэр, нэһилиэкпит саамай бастыҥ уонна актыыбынай «Илгэ» түмсүүтэ мустан, бу бэлиэ күн суолтатын ырытыста. Тэрээһин кэмигэр, түмсүү дьоно соторутааҕыта Казань куоракка буолбут Аан дойдутааҕы бэстибээлгэ кыттан кэлбиттэрин туһунан кэпсээтилэр, бэстибээлтэн аҕалбыт кэһиилэрин амсаттылар.
«Илгэ» түмсүү мунньаҕар инники сыллааҕы былааннарын торумнаан, оонньоон-көрүлээн тарҕастылар. Маннык түмсүүлэр нэһилиэк олоҕор саҥа тыыны киллэрэн, дьону-сэргэни сомоҕолоон, культурнай олоҕу сайыннараллар. Кинилэр дьон общественнай актыыбынастарын кэҥэтэн, саҥа ситиһиилэргэ көҕүлүүллэр.
